Erin estrea videoclip

Erin (Comando Katana) estrea novo videoclip, do tema ”Suenan las alarmas” incluído no seu EP ”El trapicista” (2011).

O compostelan Erin Comando Katana gañouse un posto no cartel por méritos propios. Dende a máis absoluta independencia e cunha frescura e desenvoltura que xa quixesen moitos, editou “O Trapicista”, un CD con catro temas que destilan rap e dancehall, repleto de rimas invencibles, unhas cañeras, outras vacilonas e todas cargadas de emoción.

Este ano estivo no festival Hipnotik de Barcelona resultando gañador da batalla de bandas, e desde xuño non deixou de actuar por distintos puntos da península. En directo estará acompañado de Oscar Selektah aos pratos e MarKos na percusión. Rapeos trepidantes, tempos medidos ao milímetro e actitude por milleiros fan de Erin unha das máis firmes promesas do hip hop en Galicia.

Estará en Microfest o 18 de novembro.

Merca a túa entrada de Iván Nieto en www.idearock.com e leva 1 bono para Microfest de regalo

As primeiras 20 entradas mercadas en www.idearock.com para os concertos de Iván Nieto e Carmona en Galicia (7 e 8 de outubro, en A Coruña e Vigo, respectivamente) teñen un regalo moi especial: 1 bono para Microfest, valorado en 20 €, válido para os días 18 e 19 de novembro na Sala Capitol de Santiago de Compostela.

Oferta válida ata o 6 de outubro.

Darmo presenta disco

Darmo presenta en Microfest o seu novo álbum “Un Camino Inestable”, no que o madrileño depura ao máximo o seu estilo único nun disco orixinal, cheo de forza, sentimento e novos estilos. Froito do traballo constante e o absoluto compromiso de Darmo, nace este disco onde hai cabida para a realidade da rúa e un inesgotable espírito de loita e esperanza.

“Un camino inestable” está colmado de colaboradores e produtores que fan que a súa escoita vaia crecendo ata o final.

O regreso de La Puta Opepé

Microfest contará cun dos regresos máis esperados con La Puta Opepé, unha formación necesaria para entender as orixes do dancehall en castelán. Con todos os seus membros orixinais (Paddy Paquito aka o Xarro de las Calaveras, o Xino aka Golpessito e Mr. Beat, El Hermano L, Biyi e Don Manolo), La Puta Opepé retoma os escenarios coa mesma enerxía que lles fixo triunfar a finais do noventa con cancións como “Don Simón”, “Escupe la flema”, “Mallorka es Fonki”, “Jose Mari” ou “Batalla de Cazalla”. Descaro, enerxía e boa música a partes iguais.

Nach presenta en directo “Mejor que el silencio”

Nach é un dos pratos fortes de Microfest, no que presentará o seu novo disco “Mejor Que El Silencio” que contén 17 cancións puídas até o mínimo detalle cargadas de emoción e intelixencia, un traballo co que o alacantino se supera unha vez máis. Neste quinto disco Nach mostra de novo a súa proverbial mestría na composición coa elocuencia das súas metáforas actuais e vivas, o seu vigoroso uso do léxico e os seus malabarismos poéticos.

Nach segue a demostrar que está no cume do hip hop pelexando entre os máis vendidos, leva máis de 19 semanas consecutivas nas listas de vendas, e ten unha das xiras máis extensas deste ano.

Microfest 9

O festival Microfest celebrará a súa novena edición os días 18 e 19 de novembro de 2011 na Sala Capitol de Santiago DC. Un ano máis tendrán cabida algúns dos máis interesantes artistas de rap, reggae e dancehall do momento.